بروشسکی ہَن بُٹ دلچسپ دݴ مݻن باݽَن بلݳ۔ گُتݺ باݽ دنیات ُلݸ بڎمݣ باݽݣ ڎم تُھم دݴ اِی ہَن دݴرݺ باݽن بِلݳ۔ تݻئلٹݺ بروشسکی ٹݸک دنیاتݺ باݽݣݺ خاندانݣ ُلݸ شامل اَپݵ۔ بروشسکی اُسکݸ قسُمݣ (بولی مݣ) بِڎَن: ہُنزݸئݺ، نگرݺ، دݴ یَسِنݺ بروشسکی۔ گِݷَکُم برُوشݸ شوݳ کݺ تھݳ دݵنَنݺ یَر نگر ڎُم شوݳ کݺ ۴۰۰ سِس ہُچائی نُݹن سْری نگر ُلو بُݽݳئی ٹݺ ہُرُٹمِشݸ بان۔
دُرگِنُمِشݸئݺ گِرمِنان کݺ بروشݸ تقرِیباً ہِک لاکھ سِس بان۔ البتہ مݷ ۲۰۰۹ݺ رِسَرچݺ اندازݳ ُلݸ بروشݸ کُیݹچ شوݳ کݺ ۱۵۰،۰۰۰ سِس یݴ اݵت ڎُم دݴ مݻئمَن۔ اُو ہَرَݣ پاکستانݺ اُیوݣکݸ شارݣ ُلݸ دݴ تھُمِݣ مُلکِچݣ ُلݸ کݺ بروشݸ سِس شامل بان۔ گُکݺ دِشمݣ، یعنی ہُنزݸ، نگر کݺ یسِنݺ بروشݸ بُٹن دݵنݣ ڎُم چراٹݵ دُواسان، تݻئلٹݺ بروشسکی اُسکݸ بولی مِݣ دُمَنِمݵ۔ ہُنزݸ کݺ نگرݺ سِسݺ اُئی ہَرَݣ بروشسکی ُلݸ چَغݳ بَر اݵتس آسان بِلݳ۔ البتہ یَسِنݺ بروشسکی ہُنزݸ کݺ نگر ڎُم مَتھَن مَناسݺ نݻ گُکݺ اݸلتِک دِشمِݣݺ باݽݣ ڎُم بُٹ تھُوم بِلݳ۔
