دیࣷسقَٹُم سُوجو مِنَشِݣ (س-ٹ-س)

خُدایئےࣷ  یَرکَماس دیࣷسمَنُم ہِر کےࣷ گُس شیࣷئظانےࣷ اوࣷپِلَنَس دا اُوئےࣷ خُدائےࣷ شَلداࣷ کےࣷ کَنائوࣷ اُلچِن اَتُڎَس۔ یےࣷ اِتےࣷ موࣷ ڎُم کھِتیࣷ نےࣷ دُنِیاتُ لوࣷ گُنا ایࣷتَس کُݜےࣷ سات مَنِمیࣷ دا بَنی آدَم غُنِقِݜ دُروئݩ اِڎیࣷ تَمیࣷ۔

خُدائےࣷ حضرت اِبراہِیم، حضرت سارہ دا اُوࣷئےࣷ ڎوࣷن ہاجِرہ موࣷ کا اِیموࣷ کآٹ وعدہ ایࣷتَس۔ حضرت اِبراہِیم دا حضرت سارہ خپدائےࣷ کآٹ اِیموࣷ شَتَ ٹَےࣷ پُوروࣷکُم ایࣷتَسےࣷ چَماٹ ایࣷتَس، دا خُدائےࣷ اُئموࣷ ڎوࣷن ہاجِرہ مُر کےࣷ کآٹَن ایࣷتَس۔

خُدائےࣷ حضرت اِبراہِیمَر اِیموࣷ ایࣷیَرُم اِیٓ خُدیئیࣷ ایࣷتَسےࣷ شَلداࣷ ایࣷتَس، تاکیࣷ شَتِلوࣷ اِیمانےࣷ شَتَ ٹےࣷ خُدیئیࣷ ایࣷتَس ڎُم کےࣷ پَسوم اوٓمَنَس دُروࣷئَن دُوسِݜ۔

خُدائےࣷ مِصِرےࣷ تھَمَر شَلداࣷ ایࣷتَس، اِن اِیموࣷ شَتِلِیار ایلتِرَس دا حضرت مُوسیٰ بَنی اِسرائِیلےࣷ سِس مِصِرےࣷ ڎوࣷنیࣷئیࣷ ڎُم دُئسَسےࣷ گَنےࣷ تَیار ایࣷتَس۔

خُدائےࣷ بَنی اِسرائِیلےࣷ تھَم کُݜ غَلَت دُروࣷ ایࣷتَس تھَمَن ڎُم نِشِر تھُم نیٓک سِسَنَر اِچھِیَسےࣷ چَغہ۔

گَر اَپِم دَسِنَن مُر لاݩ مُمَنَسےࣷ خوࣷش خَبَریࣷ مُیَیَس دا یَرُم پیغَمبَر تِݩےࣷ سیࣷنُم بَرےࣷ مُطابِق اِن موࣷ مُئِیٓ اُیُم شَتِلوࣷ تھَم اِمَیࣷمیࣷ سیࣷنَسےࣷ چَغہ۔

ڎھِلےࣷ مُوم گُسَن مُر حضرت عیسیٰ مَسِیحےࣷ ڎھِل مُچھِیَس دا اِن مُر اِکھَر سَرکےࣷ ایࣷتَس۔

مَزہَبیࣷ عالِم تِݩےࣷ زِنا ا،عتُم گُسَن حضرت عیسیٰ ایࣷپَچیَر  دُمُڎَس دا اِن موࣷ باراࣷئُ لوࣷ بیࣷسَن نیسَن بَرَن دیگُسِن اَستَمَر اِڎھُوَسےࣷ چَمآٹ ایࣷتَس۔ حضرت عیسیٰ اِنےࣷ گُس موࣷ باراࣷ ُلوࣷ تھوࣷݜ جآک کُݜےࣷ اَستَم ایࣷتَس۔ 

بیࣷشَل حضرت عیسیٰ اِیموࣷ شُگُلوࣷ غَلِیس اِمَنَسَر اِنےࣷ اِیموࣷ سِر کُݜ کےࣷ شَتِلِیار تیئیࣷ زائلےࣷ لیٓل اوتِمیࣷ ایࣷت اُئےࣷ اوࣷس اُلچِنَ ٹےࣷ کےࣷ اَپِم۔

حضرت عیسیٰ اِلتُسےࣷ ڎَریࣷئیࣷ ےࣷ گَنےࣷ ڎَرگُیوࣷ اوُرُٹَم۔ اَماࣷ اِنےࣷ شَگِردَروࣷ اِلتُسَ ٹَر نُون بَریࣷئمَناࣷ کےࣷ ایࣷلےࣷ اِنےࣷ اِڈِم اِی کےࣷ ایٓئڎُمَن۔