صاحِیفامِݣ

اَکھݸلہ، می صاحِیفامِݣے برُوشسکی ترجُمہ مار پِیش ایچَبان۔ گُتہ دُورو ہُنزُوئے برُوشوئے برُوشسکی لینگوِج سروِسز (ب-ل-س)ے کا ایتان۔  گُتہ ترجُما اُچھَرُلو سݺنُمِشو سِس کھُوئے بان: ۱) شیر باز کلِیم، ۲) ہیدر علی۔ ریکورڈ ایتُمِشو سِس: غازی کرِیم کہ عباس۔ اݺکے باراُئلو کمن فِیڈبیک مِچھیَس کہ شُوا میئِیمی۔

ایگُڎَرَسݺ فہرِست حضرت عیسیٰ:

حضرت عیسیݵ زِندگیئݺ قِصہ سُجو اِنجِیل ُلو گِرمینُم بِلا۔ البتہ وَلتو سِسݺ اِنݺ زِندگیئݺ بارائُلو گِرمینان کہ، اکھݸلہ می مَمَر لوُقا ڎُم گِرمینُم بݴگوچِݣ پیش اݵچابان۔

 

ایگُڎَرَسݺ فہرِست خُدایݺ دُنیا دݵسمَنَس:

صحیفامِݣ خُدایݺ دُنیا دݵسمَنَس سُوجو طوریتݺ یرکاماسُم کِتاپݺ یرکاماسُم باگو ُلو بِڎَن- خُدایݺ دُنیا دݵسمَنُم ڎُم نِمَٹہ حضرت عیسیٰ ڎُم التو سݴس کہ التو تھا دینِݣ یر ایپَتر خݴݽِݣُلُم چَغہ بلا- کھݸتُلو خُدایݺ دُنیا دݵسمَنَس۔ اِنسانݺ یرکاماسمو ایتُم گُنا دا اِلجِنر کہ ایتَشو گُنامِݣݺ، حضرت نُوحݺ طُوفانݺ قِصہ دا خُدایݺ اُوئی-اُوئیمو بݴݽِݣݺ کا قومِچِݣ دݸسمَنَسݺ قِصہ بلا۔

ایگُڎَرَسݺ فہرِست حضرت اِبراہِیمݺ قِصہ:

حزرت اِبراہِیمݺ صحِیفامِݣ سُوجو طوریتݺ یرکاماسُم کِتاپݺ التو ُلُم باگوُلو بِڎَن۔ حضرت اِبراہِیم حضرت عیسیٰ دیِمنُم ڎُم شُوا کہ التو ہزار کہ ہِک تھا دݵن یر دیِئبَم۔ اِنݺ یݹ-اِمییݺ اوسُم یرُم ݴک ابرام بِلُم امہ مُشَٹہ خُدایݺ اِنݺ ݴک بدَل نے اِبراہِیم اوسَم۔

 

ایگُڎَرَسݺ فہرِست حضرت یعقُوبݺ قِصہ:

حزرت یعقُوبݺ صحِیفامِݣ سُوجو طوریتݺ یرکاماسُم کِتاپݺ اِسکیُلُم باگوُلو بِڎَن۔ اَکھݸلہ می حزرت اِبراہِیم ڎُم حزرت اِصہاقَر دا اِن ڎُم حزرت یعقُوبَر نِمین اِنہ ٹݸک جݶیݺ قِصہ حزرت یُوسُف خا دِمییَلجان۔

 

ایگُڎَرَسݺ فہرِست حضرت یُوسفݺ قِصہ:

حضرت صحِیفامِݣ سُوجو طوریتݺ یرکاماسُم کِتاپݺ وَلتی ُلُم باگو ُلو بِڎَن۔ ایت ُلو حزرات یُوسُفݺ قِصہ مار پعش ایچابان اَمِنݺ ایݼُکونݺ اِن مِصِرَر گَݽ ایتُمن ۔امہ خُدایݺ ایلہ اِنر ایر برینِمی، دا ما دَمایلِن کہ اِنہ ہا-جماتر قہتُلو  مدت بیلاٹہ اور ایتِمی۔

 

ایگُڎَرَسݺ فہرست رُوت:

می مار پیش ایتُم یرکاماسُم صحِیفا اِݶک رُوت بِلا اَمِت ہِن گُسَنمو کا ݼَن کہ ݼَنہ مَنُم قِصہ بِلا۔

ایگُڎَرَسݺ فہرست حضرت یُونس: 

می مار پیش اݺتُم التوئُلُم صاھِیفا اِیک حضرت یُونس بلا اَمِت حضرت یُونسݺ نینوا شارَر نِیَسݺ دا اݺلُم سِسر بربات اُمَنَسݺ پیغام اُچھِیَسݺ خُدایݺ شلدا بارائُلو بلا۔