لِکھنے کے طریقے
لِکھنے کے طریقے
موجُودہ زمانے میں برُوشَسکی میں لِکھنے کا رِواج کافی حدّ تک بڑھ چُکا ہَے، لیکن مُتفقہ طور پر اَ بھی تک ایک ہی تحرِیری سِسٹم پر برُوشو قَوم میں اِتفاق نہیں۔ علامہ نصیر اُلدِین نصِیر ہُنزائی جن کو ’بابائے برُوشَسکی‘ کے نام سے بھی جانا جاتا ہے، معرُوف شاعر و سکالر غُلام اَلدِین غُلام ہُنزائی اور قُدرت اُللہ بیگ برُوشو قلم کاروں میں صف ِ اوّل کا درجہ رکھتے ہَیں۔ اِنہی کے نقش ِ قدم پرچلتے ہُوئے دُوسرے شاعر اور اَدیب بھی منظر عام پر آنے لگے ہَیں۔ اِسی طرح آج کے زمانے میں برُوشو قَوم میں اِنٹرنیٹ اور موبائل فون سے واقفیت بڑھنے کے ساتھ ساتھ برُوشَسکی لِکھنے کا رِواج بھی کافی حدّ تک بڑھ چُکا ہَے۔
برُوشو اور برُوشَسکی زبان کے سکالرز کا ماننا ہے کہ ماضی میں برُوشَسکی زبان لِکھی جاتی ہُوگی، لیکن اِس کا کوئی ثبُوت آج تک نہیں مِلا۔ جِس سے اِس بات کا خدشہ پیدا ہوتا ہے کہ ماضی کا یہ علمی خزانہ ہم تک نہیں پہنچا۔
موجُودہ وقت میں برُوشَسکی زبان عربی اور یُوروپیَن حرُوف پر مبنی مُختلف تحرِیری طریقوں میں لِکھی جاتی ہَے۔ عربی اور یُوروپیَن حرُوف پر مُشتمل تحرِیری طرِیقوں کے اَندر اور کئی قِسُمیں موجُود ہَیں جِن کوبرُوشسکی زبان کی تحریر کے لئے اِستعمال کیا جا سکتا ہے۔
