STS 01 - Xudaaye Hazrat Aadam Desmanas
Xudaaye kainaat desman etulo jiindo maxluuq uyoon dosmanas. Xudaaye iimo sifaatiṅe kaa iimo suratulo yarkamaasmo insaan, yaani Hazrat Aadam ke Hawaa dosmanas.
STS 02 - Bihiśt cum hole Uwalas
Xudaaye yarkamaas dosmanum hir ke gus śeitaane opilanas daa ue Xudaaye śalda ke kanaao ulćin atucas. Ye itemo cum khitine duniyaatulo gunaa etaskuṣe saat manimi daa Banii Aadam ġuniqi̇ṣ durooiṅ ici tami.
STS 03 - Haabiil ke Qaabiil
Haabiil Xudaaye eyarum imanas cum ine ec̣o Qaabiil duṣc̣o niman iimo ec̣o nesqan duniyaatulo yarkamaasmo qatal etas.
STS 04 - Hazrat Ibraahiim ke Hazrat Haajira
Xudaaye Hazrat Ibraahiim, Hazrat Saara daa ue con Haajiramo kaa iimo kaaṭ-waada etas. Hazrat Ibraahiim daa Hazrat Saaraa Xudaaye kaaṭ uimo śataṭe puurokum etase ćamaaṭ etas, daa Xudaaye uimo con Haajiramur ke kaaṭan etas.
STS 05 - Hazrat Ibraahiime kaa Xudaaye Kaaṭ-waada
Xudaaye Hazrat Ibraahiimar iḍim ce kaaṭ-waadaa hayan etase gane śalda etimi daa ḍamśar netan senimi ke Xudaaye iimo kaaṭ puurokum diśar suwase kheen asiir diibila.
STS 06 - Hazrat Ibraahiim daa ine ií
Xudaaye Hazrat Ibraahiimar iimo eyarum ií xudeei etase śalda etas, taa ki śatilo iimaane śataṭe xudeei etas cum ke pasoom oomanas duroan duusiṣ.
STS 07 - Hazrat Muusaa Dimanas
Hazrat Ibraahiime oolaat Misirulo con ouruṭas kheene Hazrat Muusaa dimanas daa Misire Thamale Banii Israaiile dumanaśo joṭomuc osqanase śaldaa yaarum in raćheeṣ diwasas.
STS 08 - Xudaaye Hazrat Muusaar Qau Etas
Xudaaye Misire Thamar śalda etas, in iimo śatiliyaar eeltiras daa Hazrat Muusaa Banii Israaiile sis Misire conei cum duisase gane tayaar etas.
STS 09 - Coneiye Abaśiṅ cum Duisume Gunc
Misire xudaamuc daa Thaanum Daman Xudaa ce haṅaraṭ umanaśo sis sazaa uyayas, daa mene Xudaaye bar nuka ine ganulo xudeei etam ke, u Xudaaye raćheeṣ otas.
STS 10 - Xudaaye Hazrat Daauud Damśi Etas
Xudaaye Banii Israaiile thamkuṣ ġalat duro etas thaman cum niśir thum neek sisanar ićhiyase ćaġa.
STS 11 - Hazrat Yuunus
Xudaaye peeġambaranar mathan jamip śaaranar astam ḍamśar etase śalda ićhiyas ke, in barći oomanum thum śaaranar ḍom numa niyas.
STS 12 - Hazrat Iisaa Dimanas
Gar apim dasinanmur laaṅ mumanase xoś-xabari muyayas daa yarum peeġambartiṅe senum bare mutaabiq inmo muii uyum śatilo Tham imaimi senase ćaġa.
STS 13 - Śurayeeśe Taqpa
Xudaaye kaaṭ etum Masiih ẓuwase śurayeeśe taqpa mathan diśmiṅ daa mulkićiṅar xaa deṣqaltas.
STS 14 - Hazrat Iisaa ke Saamritiṅe Silaẓin
Chile muum gusanmur Hazrat Iisaa Masiihe chil mućhiyas daa inmur ikhar sarke etas.
STS 15 - Hazrat Iisaa Moojizaṅ Ooltiras
Hazrat Iisaa sisaṭum jiṅono luuk otas daa sis warc otas niic mazhabi aalimtiṅe inar śeitaane śatilyaare yal ce une ećaa esas.
STS 16 - Ġuniqiṣ Gusmo Astam
Mazhabi aalimtiṅe zinaa etum gusan Hazrat Iisaa epaćiar dumucas daa inmo baaraulo besan neesan baran deegusin astamar ichuwase ćamaaṭ etas. Hazrat Iisaa ine gusmo baaraulo thoṣ jaakkuṣe astam etas.
STS 17 - Sabaq Oikinas Misaalan
Xudaaye nazurulo ukhar ćhaṭ etaśo daa oṣ ṭiṅ netan duphoġuraśo sise baaraulo Hazrat Iisaa han misaalan ućhiyas.
STS 18 - Hazrat Iisaa iimo Śugulo Laazar thoṣ Desparas
Beśal Hazrat Iisaa iimo śugulo ġaliis imanasar ine iimo sirkuṣ ke śatilyaar teei zaile leel ootimi et ue os-ulćinaṭe ke apim.
STS 19 - Hazrat Iisaa Ḍako ce Dicikinin Esqanas
Hazrat Iisaar leel bilum ke duniyaatulo ine iimo ṭake gunciṅ phaṣ mayaar diibican daa ine iimo asiirum śagirdane ii inar phirei netan in duśmayoe uriiṅar uuwas bam. Et cum Hazrat Iisaa sis-bandaa gane uyum duroan etas.
STS 20 - Hazrat Iisaa thoṣ Diwaras
Hazrat Iisaa iltuse carei gane carguyo ouruṭam. Ama ine śagirdaro iltusaṭar nuun bareimana ke ele ine iḍim ii ke eeicuman.
